160. Küümbîkîka atîa ûni ngunîke

 1.

Küümbîkîka atîa ûni ngunîke 

Mpeende Tharike îu ya Jesû; 

Naankuîrîîre Müth'rabe-ne, 

Nî kenda nkagaîrwa mwoyo.

    Nîndigaragua nî wendo bûu. 

    Ati Jesû naankûîrîîre;

    Nkarigara nî wendo bûu. 

    Ati Jesû naankuiriire.

2. 

Ni kiriga nuu üümba kûmenya, 

Muntu ûtindîkua, athiritie gûkua?

Kinya araika ibaremeetwe, 

Ni kwoonania wendo ta bûu bwawe. 

Kîao gîkiingî! Nthî yonthe nî îmûthaathayie, 

Nabo araika batikarîcooke kûnoga; 

Kîao ta kiu, kîao gikiingi, 

Nthigürû yonthe nî imuthaathayie.

3. 

Naatigire ûnene bwa îthe, 

Na mwago junthe jwa îgûrû; 

Agiicuma nî gûtweenda, 

Aakuîrîîre antû bonthe ba nthî.

Kîao gîkiingî kîao Murungu wetu,

Ni gütücwaa riria batui twaaŭrite; 

Kiao gîkiingi, kîao gikiingî! 

Nî gûtûcwaa rîrîa twaŭrîte.

4. 

Nkoro yakwa yaatwire itheeki, 

Ni meeyia na mantû ja muundu-ne; 

Werû bwaku bûkînthaarîra,

Mînyororo yakwa igikaandûka. 

Ngîûkîîra nkiuma na ngîkûthingata,

Nkoro yakwa yüüjüri nî kügwîrua gükwiingî; 

Ngiûkîîra ndi umuthaŭre!

Nkoro yakwa îcancamûkîte.

5. 

Ntîna ûguaa ntîeteeretue îgamba, 

Jesû nî wakwa na ûni ndî wawe; 

Ambîkîrite wagîru,

Nîwe mûntongeeria mwanka kenya. 

Ntina üguaa, nkîthengeera rüriga ruu, 

Ngîîrite thirû yakwa kîri Mwathani Kristo; 

Thirû yakwa nkîmîîijîra, 

Ntina üguaa, tûrî na Kristo.