meru 58 - 37

  1. Küümbîkîka atîa ûni ngunîke  Mpeende Tharike îu ya Jesû;  Naankuîrîîre Müth'rabe-ne,  Nî kenda nkagaîrwa mwoyo.      Nîndigaragua nî wendo bûu.      Ati Jesû naankûîrîîre;     Nkarigara nî wendo bûu.      Ati Jesû naankuiriire. 2.  Ni kiriga nuu üümba kûmenya,  Muntu ûtindîkua, athiritie gûkua? Kinya araika ibaremeetwe,  Ni kwoonania wendo ta bûu bwawe.  Kîao gîkiingî! Nthî yonthe nî îmûthaathayie,  Nabo araika batikarîcooke kûnoga;  Kîao ta kiu, kîao gikiingi,  Nthigürû yonthe nî imuthaathayie. 3.  Naatigire ûnene bwa îthe,  Na mwago junthe jwa îgûrû;  Agiicuma nî gûtweenda,  Aakuîrîîre antû bonthe ba nthî. Kîao gîkiingî kîao Murungu wetu, Ni gütücwaa riria batui twaaŭrite;  Kiao gîkiingi, kîao gikiingî!  Nî gûtûcwaa rîrîa twaŭrîte. 4.  Nkoro yakwa yaatwire itheeki,  Ni meeyia na mantû ja muundu-ne;  Werû bwaku bûkînthaarîra, Mî...

 1.  Muntů wa gwitikia Mwathani wetu,  Muntû wa gwîtîkia Jesû Kristo, Kügwîrua gükwingî nîku akaaewa,  Nawe akoonokua aeewe mwoyo. (Narua îjî) Mütano-ba  nüügwitwa nî Jesû Kristo  (Mûtano-ba) ûritwa  o nandî nî Mwathani wetû,  (Mütano-ba)Kiao kiawe  na wendo ni binene mma  (Narua îjî) Naakwenda  gütüma üthaürwe nga. 2.  Muntü üria ükwirira akeenda guta,  Waganu bwa nkoro na meeyia jawe,  Tontû bwa kwirira na kuumbûra,  Mwathani wetû akamwiigîrua kiao. 3.  Antû bonthe babaî ka bakarumwa,  Bakagambithua nî Mûrungu Îgûrû,  Barega kwoonokua nî Mwana wawe  Na barega kûthaürwa nga nîwe.

  1.  Kitharimo nî kîrî ûrîa.  Ûtîeendaga ndiünga: Ya barîa ataratari, Kana amaramari. 2.  Na ütithûmbagia Mûrungu,  No nathûgaanagia; Rûteto rwa watho bwawe Müthenya na ûtukû. 3.  Akang'uanana mûti.  Jûandi muukî-ne.  Jûtîümaga na jüciaraga;  Oo kiingo gîa kinya. 4.   We no munya akoonaga.  Barîa baai tiu;  Bau bakari ta rükünkü,  Rürîa rügürükaga. 5.  Tontû bûù batîrungama.  Îgambe-ne rîawe;  Bau becagia batîkoonwa,  Mbîîri-ne ya atheru. 6.  Tontù, Mürungu amenyaga,  Njira ya baria bega:  Îndi njîra ya aremi.  Ikarima buru.

  1.  Jehova Mürungu Mûrîthi wakwa, Gütî gantû gakeega mbagîkia,  Andiîthagia bieni-ne bia nyaki înjigû  Miuro ya ruuji rwa kûgiimûra.  Naariûkagia nkoro yakwa yaaga inya,  Agantongeeria na njîra cia mma,  Na ütugi büû bunthe ni imbwoonaga;  Ni üntû bwa rîîtwa rîa Mûrîthi umwega. 2.  O na kinya nkeethîrwa nkiungurîîra,  Mûguuru jwa muundu jwa gîkuû;  Gûti ûthûku ûni mpûmba gûkira,  Nî kwithirwa tûrî amwe na Jesû.  Thioro yaku na rûturo rwaku,  Nîbio biümbaga kûmbooragîîria;  ûmbaragira metha o aria ndi,  O au ûthiû-ne bwa anthû bakwa bonthe. 3.   Ûmbonoreeretie magûta mütwe,  Gikombe gîakwa i kîunîkarîte;  Matukû jonthe jakwa jaria ndi mwoyo  Wega na kiao bikaanthingataga.  Nani ngaatüra nyomba ya Jehova,  Na ntüüre ku kenya mwanka kenya; Tontû Mürithi umwega naaritiire,  Mwoyo jwawe kenda oonokia ng'ondu ciawe.

 1.   Rügendo rwa nthî rwathira  Mwoyo jumüthongi  Jûkaguûrirua eetîkia Ba Jesû Mwonokia 2.  Werû bûtîkathira ku,  Güti na üthüüku;  Mürimo jütikoonora,  Wega bütüüraga. 3.  Gütikoonora mma thiîna  Mpara kana nyonta; Iriro o na methori,  Bigatwebagirua.  4.  Ta üria Musa oonire Nthigürû ya Kanani,  Aarungi kûu kirime-ne,  Na aarî kûraja.  5.  Ta üû natuî athingati,  Türî kûraja nao;  îndî na metho ja nkoro,  Kwonagwa îgûrû 6.  Gikuu gîti na kîmako Tontû tükümenya  Ati Mwathani wa Mwoyo  Agatwambîîria ku.

 1. Mürîîthi wakwa Mwathani,  Nandîîthagia weege-ne; Güti gantu mbagîkia ni, Tontù niwe ûnkaragia. 2.  Nantongagirîîa ncebe-ne,  Ithime-ne bia mwoyo;  Nareraga nkoro yakwa  Na biakûrîa bia îgûrû. 3.  Nariûkagia nkoro yakwa,  Nîkenda ngîta inya;  Nantongagiria njire-ne,  Irîa iti na mogwati. 4.  Kinya kethîra ngatonya  Müguuru-ne jwa gîkuû,  Jesû arî rwaru rwakwa,  Güti ügwati nkîrîkia. 5.  Matukû ja mwoyo jwakwa  Ngaakaraga na wega;  Na nyuma agankürükia  Nkanathe-ne yawe yongwa.

 1.    Ndina Mücoore mûnene  Ntarî nawe au mbere We naampendaga mono mma, Îndi ni ntaamenyete  Naankuuciirie kenda mwenda  Na nandî ndi wawe We wengwa Nkîremwa ni kürega Nawe nandî no wakwa. 2.  Ndina Mücoore münene,  Anga nîni mpendi ûû!  Nooragirwe bübüûî mma  Nikenda mbona mwoyo  Nimbi mpeekia Münküüri üjü?  Ntî gîntû nandî gîakwa,  Ari, bionthe na ni mwene:  Ni bia Mücoore wakwa! 3.  Ndina Mücoore mûnene  Arî na inya yonthe  Nîyo agankaragia nayo,  Mbere ya nkinya kwawe;  Nînkwona ntüüra na nkoro,  Nkamîona na nkagwîrua,  Ndîrita ngũgî yawe nandî,  Na nyuma nkaanogoka 4.  Ndina Mücoore mûnene, Güti ümwega tawe,  Güti na üntû büümbikia,  Kümbathurana nawe; Gîkuû kana Shaîtani,  Kana o kîngi kîûmbe; Arî ndî wawe o wenka!  Wa kenya mwanka kenya.

 1.   Ndîna rwimbo mpeendaga kwina, Kuuma uni ndoonokua; Rwa kugoonga Mumbonokia, Kuuma uni ndoonokua.     Kuuma uni ndoonokua,     Kuuma uni ndoonokua;     Ngoongaga riitwa rîawe,     Kuuma uni ndoonokua,     Ngoongaga Riitwa ria Müküüri. 2.  Ndîna Jesû wa kung'ana, Kuuma uni ndoonokua; Ni nthithagia o kwenda kwawe, Kuuma uni ndoonokua. 3.  Ndîna ukuûjî bwa mma buru, Kuuma uni ndoonokua; Na bwa gumpebeeria nkanja, Kuuma uni ndoonokua. 4.  Ndina kûgwirua gûkwingi, Kuuma uni ndoonokua: Niûntûbwa Tharike yawe. Kuuma ûni ndoonokua 5.  Nimbakiri ntûûra Īgûrû, Kuuma uni ndoonokua: Ngatûûraga amwe nawe. Kenya mwanka kenya.

 1.  Ndoona mawega  kana ndoona mathiina. Nkoro yakwa itikira: Ninditani ni nteto cia Mwonokia. Mawega ni kwawe nkoonaga. Ati,ni Jesû ûnkaragia.     No wega nkoonaga.    No wega nkoonaga:    Mawega ni kwawe nkoonaga. 2.  Rîria mantû  jamathûûku jakangeria. Inya yawe igankaria: Nkoro yakwa niwe ukamiümiîria: Nkoomba jonthe ndi na Mwonokia. 3.  Riria nkoro yakwa  iruuji ni meeyia. Nthuganagia ati ngakua: Mwathani wa mwoyo,  Jesû Mwendani. Nangwataga, akambûkiîria. 4.  Mantu ja nthigûru  jatîkanthangîkia, Gûti gintu gîkamakia, Mwoyo-ne jüjü,  kana jûrîa jüngî. Tontu ndi na Mwonokia Jesû.

 1.  Nkathambua nkoro ni mbi? Nonga Tharike ya Jesû; Gûtî bia günküüra ni, Tiga Tharike ya Jesû.    Gwe, Jesû Mwonokia,    Kembûra nkoro yakwa,    Na Tharike yaku,    Kenda igakengakenga. 2.  Gûti bio mbîrîgire, Nonga Tharike ya Jesû; Ningi ntîkarekerwa, Ndamena Tharike yawe. 3.  Tükoombana nthîgŭrũ, Na Tharike yaku Jesû, Na tugatûûra Gwaku, Untu bwa Tharike yaku. 4.  Tui tugagûkaathaga; Riria tugakinya Gwaku; Tûkiinaga rwimbo rwa, Gukumia Tharike yaku.

 1.  Nditüüra nkumagia  Mwathani wakwa Tontû noojûragia  wîrane bwawe  We nîwe wa gûkumua o Igürû Mawîrane jawe nîja mma.     Ni gütüüra,      ntwire mbeteereete      mawira-ne jawe     Ntwîre, ntwîre,      mbeteereete wirane      bwa Mûrungu. 2.  Wîrane bwawe  gûtîrîo bwaagaga  O na mookia  jamaingî jambîjîîra  Ndîna rûteto  rwawe no nkoombana  Mawîrane jawe nî ja mma. 3.  Mawîrane ja  Jesû nîjo ja mma.  Ja wendo bûûnene  o na wonokio:  Mütharaba jwawe  nî jûtûmaga,  Tuume gîkuû-ne gîa shaitani. 4.  Ndaatûûrîra  wîrane ntîkarîgwa  Ntûûre nthikagîîra  Kîrundu wawe;  Nkanogoke kîrî  Mwonokia wakwa,  Mawîrane jawe nî ja mma.

  1.  Nîngwîragua ndaigua  atî rîîtwa rîakwa. Nirîandîki bûbwega  mandîkoo-ne jarîa:  Ntîaîrîkua gwîrîkua nî  ûtonga kana îthiù ria nthî.  Tontû ndîenda kûeewa into bia îgûrû.     Riitwa riakwa riri o     Iuku-ne ria mwoyo?     Antû eega îgûrû     Rîîtwa riakwa rîrî o? 2.  Meeyia jakwa  jamaingî jatîtarîka,  Îndi tharike yawe  nîyo îîng'anîte;  Nîmbîrîtwe nî Jesû  atî ûthûku bwakwa,  Akeeberia o mwanka  mberûe o ta îraa. 3.  Ntura îu înjega  kiri ntüra cia nthi,  Küri kügwirua gükwingi  kwa antû bawe;  Bo baria boonokiirue  nî Jesû Kristo,  Ninkûgoonga Mûkûûri  rîîtwa rîakwa rîrî o.

 1.  Mbirigiirite o tharike,  Na wagiru bwa Mwathani;  Ntiirigiira riitwa ringi  No riu ria Mwonokia wetu.         Nî ncîînjîrîte îige-ne     Gûntû kûngi kûri ûgwati    Güntû küngi küri ügwati.  2.  Rîrîa mûgundu jwaingîa,  Nkairaagia wega bwawe,  Rîrîa ndakuucua nî ûthûûku  Ndoombaga Jesû anteethie. 3.   Nî nteethagua nî mûcîîtio,  Amwe na wîrane bwawe,  Nî ntheragua meeyia jonthe,  Tontû bwa tharike yawe. 4.  Jesû agacooka gükû nthî,  Eejîre acoore bawe,  Nawe abaikie îgûrû Bagatüüre ntüüra yawe.

 1.  Rîîtwa rîa Jesû irîrîega Mpeendaga kürîgweta Nîrîo rîngwîragia mono Rîîtwa ria Jesû rionka.     Jesû riitwa ririega      Jesû magita jonthe,     Jesû rirogoongagwa,      Ni antů bawe bonthe. 2.  Nimpeendaga riitwa rawe,  Niwe ûmbigagîrua kiao,  Nîwe wîngaga ûguaa,  Ni nkamweendaga Jesû 3.  Nimpeendaga küriigagua,  Rîîtwa rîa Jesû rîonka;  Rîmbegeeraga methori,  Na rîgampa kûgwîrua. 4.  Güti muntû üngi üümba,  Gütügwiria na ringi;  Rirotüüra rîgoongagwa,  Kumagieni o Jesû.

 1.  Jesû ni Mücoore wetu, Natwebagîria thîîna; Twaromba Mürungu wetu,  Atîkarega kwigua.  Mawega jetû jakeebua,  Na mathîîna joongerwe, Twarega kwîra Murungu  Mobatu jetu jonthe.  2.  Twagerua nî mûnthû wetû,  Mûrimo jwatûgwata,  Tükeejeni kûgirîka,  Ûteethio bûrî akuî Kinya tûgatûngania nthi,  Tütîkoomba kwona ungî  Ûng'uanene na Jesû. Tügicwaga müteethia, 3.  Ndîîria mantû ja nthîgürû Jagatûnogia nkoro;  Mweejani wa wega bunthe  Agatwa inya yawe.  Twamenwa nî antũ bonthe,  Buu butigatümakia;  Tontû Jesû Mütwonokia  Kenya atîgatûta.

 1.  Tontu Murungu eendire kîrîndî, Naaritîîre antu  Mwanowe wa Mûmwe;  Nî kenda ûrîa ukamwîtîkîra,  Agîe mwoyo jwa kenya na kenya. 2.  Mürungu ataatümire Mûtana,  Eeja kûgambithia antü;  Aamütümire ni kenda kîrîndî,  Kîone wonokia bûu bwawe. 3.   Muntû üria ûmwirigirite,  Ûu tî wa kûgambithua;  Îndi ûrîa ûtimwîtîkîtie,  Ûu naathirîtie kûgambithua. 4.  Thikîîreni babuî bûkûgambîthua,  Kûri na wonokio, kûrî na wonokio;  Jesû Kristo naareetire mwoyo,  Îja! mücoore! îja! 3.  Ûgaatega mîîtîre ya antû,  Îtikia nandi! o nandi!  Kagita gaka nîko ga klao, Îgamba rîkeeja na mma.

 1.  Türi na ûtonga bûûnene,  Türeeteri naja gwetû? Nî kîewa tweei gîkîega, Nkürüki ya into bionthe bietû. 2.  Ûtonga büû nî bûrîkü,  Türeteri naja gwetü?  Jesû nîwe ûrî ûtonga, Bweendetwe nî nkoro cietû 3.  Nitügûkaatha Mûrungu,  Niüntû bwa Mwana wawe;  Nitükümügonga mono,  Tontũ nîwe aatwere. 4.  Nima niwe üri utonga  Bûnene bwa nkoro cietû:  Gütî na ûtonga bûngî.  No Jesû Mwathani wetû.  5.  Muntu wetu ûtîkaarege,  Kûeewa kîewa gîkî;  Ûgaata ûtonga bûbû  Müküüri akûreteere.

 1.  Thîîrî ya Mürungu îkari ja mbi, Îkari ja muuro jûtîûjaga;  Nîu ingîîte mîthenya yonthe,  Nîu yûjûrîte o güntû kunthe.     Ndene ya Mwathani,     kuri itharimo,     Thîîrî na ukiri na kinogoko. 2.  Mûrungu atwithîte njare-ne yawe,  Au tûtîringithua ni mûnthû wetû;  Au tûtîthangîka kana tûnoga,  Au tûtîthithiina no tûnogoke. 3.  Kûgwirua na mookĩa nî tubionaga,  Murungu abithimaga amwe na mwoyo;  Tükamüthingata na nkoro yonthe:  We no atũee thîîrî o na ûkiri.

 1.  Wenda ürekerwe meeyia jaku nandî, Mürungu arî na inya - inya înene; Wenda ûû mbage meeyia o jonthe, Mürungu arî na inya înene.     Kürî inya,      inya ndene ya Tharike     Ya Jesû wetû....     Küri inya inya inya înene      Tharike-ne ya Jesû. 2.   Wenda kümba mairïrïria jaku,  Murungu arî na inya - inya înene;  Wîje ûthambue nî Jesû nandî,  Mürungu arî na inya înene. 3.  Wenda kuthera nkürüki ya iraa,  Mürungu arî na inya, inya înene;  Tharike îu nîîtheragia meeyia  Mûrungu arî na inya înene. 4.  Wenda üthümbage Jesû Kristo,  Mürungu arî na inya, inya înene;  Wenda gütüüra ümügoongaga,  Mürungu arî na inya înene.

 1.  Ûtugi bwa kürigaria,  Nibwambonokiirie;  Rîrîa ndaarî mûtumumu,  Nkîmincûka metho. 2.  Ni ütugi bwaamboniirie  Gükira Mürungu  Bükinthiria ûguaa nkoro-ne  Riria ndetikiirie  3.  Mogwati ni jamaingï mma Na kinya magerio  Îndî ütugi bwaku bunka  Bûgankinyia gwaku îû 4.  Mwathani nambîîrîrîte,  Itharimo bibiingi;  Nkerîgiîra uuge bwawe,  Mwoyo jwakwa junthe. 5. Na ütugi bwatükinyia,  Tükagwîragua mma;  Tûkîgoonga Gatûrûme,  Mîaka ngiri ngiri.

 1.  Atana na Aarî ba Baaba,  buï barïa bwonoketue;  Thûganagieni  mono kîrĩa bwîtîri. 2.  Ntukû îmwe ïgaakinya,  rîrîa tukoorua nkoro  Cia antû bonthe beetû,  o na ba ntûûra. 3.   Rekeni tûciejane,  tûtûmîîrie Wonokio,  Kîrundu atûtûmîre,  na nkoro ciorue. 4.  Na barĩa batikûûri,  boojüri matûre-ne  Ni atĩa bomba kwonokua,  twagĩa na ûguaa? 5. Mwathani naairitire,  na araciata mwago,  Nî kenda atwonokie,  atweethie ncamba! 6.  Tüjükie Mütharaba,  jwa ûrîa waatugurire;  Na arauma Tharike,  tûmûthingate. 7.  Batui tweendete Jesû,  tui barîa twonokeetue;  Nîtûciejane nandî baingî bakûûrwe.

 1.  Kumia Jehova Murûngu wa Igürü Na inya ya nkoro yaku yonthe;  Na ûmwende mono, na maiciria jaku,  Na ûûme bwa nkoro yaku yonthe.      Ûkaaigua üguaa na      úkaamakua,      Ni mainya ja nthi,     Ûkareekia kiigai kîrîa gîtîoraga. 2.  Kwigua maathana nagwe ûkajoojüria,  Igükürükite nkukumo cionthe;  Na wendo i bükürükite igongwana,  Na kiao gîkoombana îgambe-ne. 3.  Ûgaikumia tontu bwa inya ya mwîrî,  Na ûtîkagwîrue nî thiru ya nthĩ;  Wakinya Igurũ thiru îu îkooma, Na weru bwayo bweethue mugundu. 4.  Winyiiyie mono riria ûrî gûku nthĩ. Wîrîgîîrîte mwoyo jwa Jesû; Nagwe ukaewa thirû ya ûnene, Mîgongo yonthe yûthuranîte.

 1.  Jesû arakwira, kira, Thikîîra kaju gakwa, Gagikwira nteto iji:  Tiga bionthe, nthingata  2.  Aritwa bawe ba mbere,  Riria baari ngügi-ne,  Ibaigirue kaju kawe,  Bareerükira bionthe 3.  Kinya tui natukaanagia  Miago ya into bia nthĩ;  Twendage mantu jegürû Jarĩa jatîthiraga. 4.  Tüthikagüireni Jesû,  Magiita ja kügwirua;  Na kinya ja kwithikîra,  Tontû atîgatüta. 5.  Mütwonokia, tûma twigua  Kajû gaku gakooro,  Kenda tugwatana nagwe, Tügüteethagie gwenka.

 1.  Jesû Mümbonokia wakwa:  nandi ndi waku gwenka  Tharike yaku ninthambagia:  Jesû gwe Gatürüme.      Nitügü-gukumia Jesû,      Gatürüme ka Mürungu;      Tharike yaku înthambagia,      ndagükumia Mwathani. 2.  Ndaatwire nciumagarîtie,  ngicwaaga kinogoko,  Nandi nti-na untu büngi  tiga kwîrîgîîra Jesû 3.  Ngatumagiria antu bangi,  wonokio bûbû bunthe; Bûtina gintûbwagîîte,  büjüüri, nî-bwotheri. 4.  Nkaejanaga cia Jesû  ndîna ucamba bunthe,  Tontũ nï anthaûrîte  na akimboria meeyia.  5.  Ngukumia Müüküri wakwa  na nowe Mumbonokia  Jesû Mûmenyeeri wakwa,  arookumagua rionthe.

 1.  Ambiiria mwoyo jwakwa  Jwike watho-ne bwaku;  Magiita jakwa jonthe  Jaathagwe ni Gwe gwenka. 2.  Ûtüme kaju gakwa, Gatümliria Nkumeku  Na rwaria rwakwa runthe,  Rwonanie wendo bwaku, 3.  Ûjakie njara ciakwa  Iküritire ngûgi:  Kinya magürû jakwa,  Jakûthingatage Gwe. 4.  Thiria rûgoga rwakwa,  Mpejanage na magi;  Na mathûganio jakwa,  Jeerekeere kîrî Gwe 5.  Njûkia Mwathani ninthe,  Ntîgaciethie wa ningwa;  Na kinya nkoro yakwa,  Mieethie gitüüro gîaku.